औणा कदी घरे जो
रोई-रोई अखियाँ
सुकी गया पाणी मेरी ओ
कई दिन हुए
छडी मिंजो गया तू
आपु गया सौगी
लई गया मेरी नूं
पूछे अम्मा मेरी
औणा कदी घरे जो…
लोहड़िया मैं सुकड़ी
ना चूल्हे च लकड़ी
हयूंआं दे वेले
ठंडी च मैं अकड़ी
कलियां जलाणी कियां फाग – 2
दयालिया दे चिलड़ू
कने बबरू भी भूली गया
भूली गया अपणे
खाणे दा स्वाद
अखियाँ नी सुझदा
पैरां च दुखदा
खेतरां दा काम हूण
मिंजो ते नी पुगदा
लूणा ने खदियाँ
ठंढियां मैं रोटियां
बणदा नी मिंजो ते
हुण साग
महिने बीती गए
बीती गए साल
तीजो आई ना मेरी याद
माऊ दे दिलां ते
तू कजो हुण लुखदा
होई चली ज़िन्दगी दी सांझ
पूछे अम्मा मेरी
औणा कदी घरे जो
पूछे अम्मा मेरी
औणा कदी घरे जो .
ConversionConversion EmoticonEmoticon